Стихи / Ырлар

Бир күнүм ай-жылдарга теңелип, Өтүп барат ал тозоктой сезилип. Куладым тагдырыма таарынып, Куураган дарак сымал ийилип.

Жарык дүйнө караңгыдай көрүнөөр, Көрбөсөм элесиңди күнүгө. Сезимим жамгыр болуп төгүлөөр, Зар болуп калаарым чын сөзүңө. Читать далее...

Саамайыңан сылап өтөт салкын жел, Санааңа тек карабайт кайдыгер. Өзүңдү бек кармана, көтөрө, Сен ага өткөндөрдү айтып бер.

Адаштым, адаштырып сени да, Күттүрүп жол боюнда, талаада. Күнөөм тоо, кучагыма батпаган, Өмүрдө унутулгус, алдыңда.

Алайын, дүнүйөмдүн түпкүр сырын, Жылдыздай мүмкүн калган нуру жымың... Келээр балким, жазып берээр саптарымда, Отоор мүмкүн, каар жылдарды, жашап кылым...  

Арга таппай, айласыздан көктү карап, Көөдөнүм дем жетпестен эрктик самайт. Кыйнала, күнү бүткөн жалбырактай, Саргарат, уча албай канат байлап.